旅遊攻略—金澤（手信篇)
去得日本旅行，你身邊嘅朋友都會期望你會買啲咩手信返香港！但係來來去去都係傳統嘅和果子，東京香蕉蛋糕，royce既朱古力……其實都幾無新意架！所以今次我地就會推介一啲比較有特色嘅手信俾大家參考下！
上集都有講過，金澤其中一樣特產就係以金箔造成嘅產品。當你步出金澤車站嘅一刻開始，你就會見到好多唔同有關金箔嘅產品。而當中我哋最推介嘅，就係喺東茶屋街可以買到嘅金箔清酒。呢支酒嘅價錢大約係二千幾円。驟眼睇，枝酒好似冇乜特別，但你搖一搖枝酒，啲金箔就好似雪花咁飄下飄，就好似一個水晶球咁靚！就算唔飲，放喺屋企當擺設都係一流架！
另外，大家亦可以喺車站附近嘅鋪頭，買一隻金箔嘅咖啡。呢種咖啡嘅香味都幾濃，而且會有少少金箔係你杯咖啡上面，感覺就更加貴氣啦！又或者如果你係一個熱愛煮食嘅人，就可以考慮下買一盒盒裝嘅食用金箔。例如當你整甜品嘅時候，灑少少金箔喺面，效果就更加靚啦！最重要係，一盒食用嘅金波計返港幣，都唔使＄100 ,簡直超值啦！送俾人仲非常有體面架！
Search